Mu mukino wayoroheye cyane, RSSB Tigers yatsinze Patriots BBC amanota 86-66 mu mukino w'Umunsi wa Kabiri wa Shampiyona ya Basketball.
Ni umukino wabereye muri Petit Stade ejo hashize ku Cyumweru, tariki ya 15 Gashyantare 2025.
Tigers BBC nyuma yo gutsinda APR BBC ikayitwara Super Cup, benshi bari biteze kureba niba na Patriots iri buze kuyitsinda.
Iyi kipe yiyubatse bikomeye, harimo n'abakinnyi bakuye muri Patriots BBC ntabwo yatengushye abakunzi bayo kuko yatsinze uyu mukino bitayigoye.
Agace ka mbere karangiye RSSB Tiger BBC iyoboye umukino n'amanota 23 kuri 21 ya Patriots.
Agace ka kabiri Tigers yagakinnye neza ndetse izamura ikinyuranyo aho bagiye kuruhuka ari amanota 46-35.
Mu gace ka gatatu, umukino washyushye amakipe yombi yongera gutsindana aka gace karangiye RSSB Tigers ikomeje kuyobora umukino n'amanota 61 kuri 54 ya Patriots.
Umukino warangiye RSSB Tigers yatsinze Patriots BBC ikinyuranyo cy'amanota 20, (86-66) ibona intsinzi ya kabiri muri shampiyona.
Mu wundi mukino, Kepler BBC yatsinze UGB amanota 65-57, iba umukino wa kabiri itsinzwe.
Mu bagore, The Hoops yatsinze IPRC Huye amanota 72-60, REG WBBC itsinda GS Marie Reine Rwaza amanota 80-52.
Source : http://isimbi.rw/tigers-bbc-yahaye-patriots-bbc-isomo-rya-basketball.html
