Header Ads Widget

Technology

Abakinnyi 10 bahenze ku isoko ry'igura muri iyi mpeshyi (AMAFOTO) #rwanda #RwOT

Isoko ry'abakinnyi b'umupira w'amaguru bahindura amakipe ku mugabane w'u Burayi mu mwaka w'imikino wa 2022-23 ryafunzwe tariki ya 1 Nzeri 2022, abakinnyi benshi bahinduye amakipe ariko umwe ni we wenyine wagejeje kuri miliyoni 90 z'amapawundi.

Abakinnyi bahinduye amakipe ni benshi ntabwo wabavuga ko ubarangize, gusa muri iyi nkuru turagaruka ku bakinnyi 10 bahenze kurusha abandi aho 8 muri bo bagiye muri shampiyona y'u Bwongereza.

10. Richarlison de Andrade - Totten Ham

Ni rutahizamu w'imyaka 25 ukomoka muri Brazil wakiniraga ikipe ya Everton mu Bwongereza akaba ayaramaze kwerekeza muri Totten Ham yo mu Bwongereza na yo, yataznweho miliyoni 55 z'amapawundi. Anganya agaciro na mwene wabo Raphinha wakiniraga Leeds mu Bwongereza akaba yarerekeje muri FC Barcelona muri Espagne.

9. Erling Haaland â€" Manchester City

Ni rutahizamu wavuye mu ikipe ya Dortmund mu Budage yerekeza muri Mancehster City. Uyu musore w'imyaka 22 akaba yaratwenzweho miliyoni z'amapawundi 57.1.

8. Marc Cucurella â€" Chelsea

Ni myugariro wo ku ruhande rw'ibumoso wakiniraga Brighton mu Bwongereza yerekeje muri Chelsea na yo yo mu Bwongereza atanzweho miliyoni 62 z'amapawundi ku myaka ye 24 y'amavuko.

7. Matthijs de Ligt â€" Bayern Munich

Uyu musore w'imyaka 23 ukomoka mu Buholandi akina mu mutima w'ubwugarizi, akaba yaravuye muri Juventus mu Butalini yerekeza muri Bayern Munich mu Budage atanzweho miliyoni 63.3 z'amapawundi.

6. Alexander Isak â€" Newcastle United

Ni rutahizamu w'umunya-Sweden w'imyaka 22 wakiniraga Real Sociedad muri Espagne ubu akaba yaramaze kwerekeza muri Newcastle United mu Bwongereza imutanzeho miliyoni 66.7 z'amapawundi.

5. Casemiro â€" Manchester United

Carlos Henrique Casimiro umunya-Brazil w'imyaka 30 wamenyekanye nka Casemiro muri ruhago, yakiniraga Real Madrid muri Espagne, uyu mukinnyi ukina mu kibuga hagati akaba yarerekeje muri Manchester United mu Bwongereza atanzweho miliyoni 67.3 z'amapawundi.

4. Darwin Nunez â€" Liverpool

Uyu ni rutahizamu w'umunya-Urguay wakiniraga Benefica muri Portugal akaba yarerekeje muri Liverpool mu Bwongereza atanzweho miliyoni 71.5 z'amapawundi.

3. Aurelien Tchouameni â€" Real Madrid

Ni Umufaransa w'imyaka 22 wakinaga mu kibuga hagati muri Monaco mu Bufaransa ubu akaba yaramaze kwerekeza muri Real Madrid muri Espagne aguzwe miliyoni 76.2 z'amapawundi.

2. Wesley Fofana â€" Chelsea

Ni myugariro w'umufaransa w'imyaka 21 wakiniraga Leicester City mu Bwongereza akaba yarerekeje muri Chelsea yo mu Bwongereza atanzweho miliyoni 76.5 z'amapawundi.

1. Antony Matheus dos Santos â€" Manchester United

Ni rutahizamu w'imyaka 22 ukomoka muri Brazil wakiniraga Ajax mu Buholandi ni we mukinnyi wahenze muri iyi mpeshyi aho yerekeje muri Manchester United mu Bwongereza atanzweho miliyoni 90.5 z'amapawundi.



Source : http://isimbi.rw/siporo/article/abakinnyi-10-bahenze-ku-isoko-ry-igura-muri-iyi-mpeshyi-amafoto

Post a Comment

0 Comments

Nature