Header Ads Widget

Technology

Ibya Cristiano Ronaldo muri manchester united byarwaniyemo imbwa - YEGOB #rwanda #RwOT

Enrique Cerezo Torres, Perezida w'ikipe ya Atletico Madrid yavuze ko ibyo kuba Cristiano wifuza kuva muri Manchester United yakwerekeza muri iyi kipe yo mu gihugu cya Espagne ntaho bihuriye n'ukuri.

Yagize ati: 'Ntabwo nzi uwazanye iyi nkuru kuri Cristiano Ronaldo muri Atletico Madrid, ntabwo rwose ari ukuri. Ntabwo bishoboka kuri we kuza muri Atletico Madrid.'

Umuyobozi w'ikipe ya Bayern Munich, Oliver Khan, aherutse kwemeza ko mu ikipe imbere baganiriye kuri Cristiano Ronaldo ariko ko ku cyubahiro bamugomba basanze bidahura n'imikorere y'iyi kipe muri iki gihe.

Biravugwa ko ashobora kwerekeza muri Chelsea, Bayern Munich cyangwa muri Atletico Madrid

Cristano Ronaldo utarigeze atangirana imyiteguro y'umwaka w'imikino wa 2022-2023 n'ikipe ya Manchester United mu mikino ya gicuti itandukanye yakinnye, ku wa Mbere w'icyi cyumweru yagarutse mu gihugu cy'u Bwongereza aho biteganyijwe ko agirana ibiganiro n'umutoza wa Manchester United ndetse n'ubuyobozi bw'ikipe ku hazaza he.

Ikipe ya Manchester United yagaragaje kenshi ko itifuza gutandukana na Cristiano Ronaldo wayitsindiye ibitego 18 muri shampiyona ya 2021-2022 ivuga ko atagurishwa.

Ikinyamakuru The Mirror giheruka gutangaza ko iyi kipe yamureka akagenda muri iyi mpeshyi ariko atijwe umwaka umwe akajya mu ikipe izakina irushanwa rya UEFA Champions League yifuza maze akazagaruka mu mpeshyi ya 2023 akongera amasezerano y'umwaka umwe muri Manchester United nk'uko biri mu masezerano y'imyaka 2 yasinye mu 2021 ubwo yagarukaga muri iyi kipe.



Source : https://yegob.rw/ibya-cristiano-ronaldo-muri-manchester-united-byarwaniyemo-imbwa/

Post a Comment

0 Comments

Nature