Ni ikibazo cy'itangazo gusa, Ole yamaze kuva... - #rwanda #RwOT

Ole yaraye atakarijwe ikizere cyari gisigaye nyuma yo gutsindwa yandagajwe na Watford ibitego 4 kuri kimwe.

Wari umukino Manchester United yari yahaye Ole mu buryo bwo kugerageza dore ko uje nyuma y'imikino itatu nabwo yatsinzwe arushwa harimo umukino yatsinzwe na Leicester city, anyagirwa na Liverpool ibitego 5-0 ndetse n'umukino yaherukaga gutsindwa na Manchester City ibitego 2 ku busa.


Kuri uyu mugoroba Manchester United yari yasuye Watford ibitego 4 kuri kimwe byatsinzwe na Joshua King, Sarr, Joao Pedro na Emmanuel Dennis, mu gihe Van de Beek ariwe watsindiye Manchester United.


Amakuru dukesha Fabrizio Romano, yemeje ko umuryango wa Glazer wari umaze igihe utsimbaraye kuri uyu mutoza, wamaze kwemera ko Ole Gunnar Solskaer asezererwa nyuma yo kutagaragaza impinduka no kwisubiraho, Fabrizio Romano akomeza avuga ko hategerejwe itangazo risezerera uyu mutoza mu masaha aza kuza.


Uku gutsindwa yandagajwe kuri Ole kubaye nyuma y'aho Ole Gunnar Solskaer yari yatumijeho inama ya bamwe mu bakinnyi bakomeye barimo Cristiano Ronaldo na Harry Maguire.

Ole Gunnar Solskaer yageze muri Manchester United tariki 19 Ukuboza 2018 gusa kuva yagera muri iyi kipe ntabwo arabasha kwegukana igikombe na kimwe.



Source : https://inyarwanda.com/inkuru/111704/ni-ikibazo-cyitangazo-gusa-ole-yamaze-kuva-mu-mishinga-ya-manchester-united-111704.html

Post a Comment

0 Comments