Arsenal yanyagiriwe Anfield mu mukino Arteta... - #rwanda #RwOT

webrwanda
0

Ku mugoroba wo kuri uyu wa gatandatu tariki ya 20 Ugushyingo 2021, Arsenal yahuye n'uruva gusenya ku kibuga Anfield nyuma yo kuhatsindirwa na Liverpool ibitego 4-0, mu mukino abatoza  b'amakipe yombi bashyamiranye mu mukino hagati.

Ni umukino Liverpool yatangiye neza igaragaza inyota yo gufungura amazamu hakiri kare, igerageza uburyo bwo gufungura amazamu, ariko Arsenal nayo igacishamo igasatira ishaka gutungura Liverpool mu rugo binyuze ku bakinnyi barimo Bukayo Saka, Lokonga na Aubameyang ariko uburyo bagerageje ntibubahire.

Nyuma yo gusirisimba kenshi imbere y'izamu rya Arsenal kenshi, Sadio Mane yafunguye amazamu atsindira Liverpool igitego cya mbere ku munota wa 39' ku mupira yahawe na Alexander-Arnold.

Mbere y'uko igice kirangira ku munota wa 33' umutoza wa Arsenal, Mikel Arteta n'umutoza wa Liverpool, Jurgen Klopp bashatse kurwana nyuma y'uko umusifuzi asifuye ikosa ryari rikorewe umukinnyi wa Arsenal, Jurgen Klopp ntiyabyishimira asumira Mikel Arteta nawe wari warakaye hafi yo gufatana mu mashati abari aho hafi baratabara.

Iminota 45 y'igice cya mbere yarangiye Liverpool iyoboye ku ntsinzi y'igitego 1-0.

Liverpool yatangiye igice cya kabiri ifite imbaraga nyinshi n'inyota y'ibitego byinshi, irusha cyane Arsenal gukina neza no kurema uburyo butandukanye bw'ibitego.

Abakinnyi ba Arsenal baranzwe n'amakosa menshi mu minota 45 ya nyuma, yagiye avamo ibitego iyi kipe yatsinzwe barimo na Nuno Tavares wakoze amakosa menshi atari ngombwa muri uyu mukino.

Liverpool yabyaje umusaruro ayo makosa ku munota wa 52' ubwo Diogo Jota yatsindaga igitego cya kabiri, ku munota wa 73' Mohamed Salah yatsinze igitego cya gatatu ku mupira yahawe na Sadio Mane.

Ku munota wa 77 Minamino yatsinze igitego cy'agashinguracumu cya kane ku mupira yahawe na Alexander-Arnold, ashimangira intsinzi ya Liverpool yatumye igira umutekano mu makipe ane ya mbere muri Premier League.

Gutsinda uyu mukino byatumye Liverpool ijya ku mwanya wa kabiri by'agateganyo n'amanota 25, mu gihe Arsenal yagumye ku mwanya wa gatanu n'amanota 20, ibura amahirwe yo kurara mu makipe ane ya mbere muri Premier League.

Mane yatsindiye Liverpool igitego cya mbere n'umutwe

N'ubwo ikipe ye yatsinzwe umunyezamu Ramsdale yigaragaje cyane muri uyu mukino

Jota yatsindiye Liverpool igitego cya kabiri

Salah yatsindiye Liverpool igitego cya gatatu

Minamino yatsindiye Liverpool igitego cya kane

Klopp na Arteta bakimbiranye hafi yo kurwana muri uyu mukino



Source : https://inyarwanda.com/inkuru/111700/arsenal-yanyagiriwe-anfield-mu-mukino-arteta-yasakiranye-na-klopp-amafoto-111700.html

Post a Comment

0Comments

Post a Comment (0)