COVID-19 yishe 2 mu Rwanda abandi bantu 28 barayandura #rwanda #RwOT

Ni mu gihe abakize ari 97 batumye abamaze gukira icyorezo cya COVID-19 mu Rwanda bagera ku 23,442 bangana na 92.8% by'abatahuweho uburwayi bose. Abarwayi bakirimo kwitabwaho n'abaganga babaye 1,474 barimo umuntu umwe urembye.

Minisiteri y'Ubuzima yihanganishije imiryango y'abagabo babiri b'imyaka 68 na 40 b'i Kigali bitabye Imana batumye umubare w'abamaze guhitanwa na cyo guhera mu mwaka ushize uguma kuri 337 bangana na 1.3% by'abatahuweho icyo cyorezo.

Abarwayi bashya babonetse barimo abo mu Mujyi wa Kigali 11, Gicumbi 4, Karongi 3, Nyamagabe 3, Ruhango 3, Nyanza 1, Rutsiro 1, Rubavu 1 na Kamonyi.

Kugeza ubu mu Rwanda abarwayi batahuweho iki cyorezo bose bamaze kuboneka mu bipimo 1,320,731 birimo 3,763 byafashwe mu masaha 24 ashize. Uyu munsi nanone hakingiwe abantu bashya 138 bagejeje umubare w'abamaze gukingirwa ku 350,141

Abaturarwanda barasabwa kutirara kuko icyorezo kigihari ndetse hakomeje gufatwa ingamba nshya zigamije gukumira ikwirakwizwa ryacyo, harimo no kwirinda ingendo zitari ngombwa no kwirinda kujya ahantu hahurira abantu benshi kandi hafunganye.




Source : http://umuryango.rw/amakuru/mu-rwanda/ubuzima/article/covid-19-yishe-2-mu-rwanda-abandi-bantu-28-barayandura

Post a comment

0 Comments