Perezida Donald Trump wa Leta Zunze Ubumwe z'Amerika, yajyanywe n'indege ya kajugujugu mu bitaro nyuma yuko asanzwemo coronavirus.
Ibiro bye bya White House byatangaje ko perezida 'ananiwe cyane ariko afite akanyamuneza' ndetse ko yajyanwe mu bitaro nk'uburyo bwo kwigengesera.
Akiri muri White House, Bwana Trump yatewe urushinge rw'umuti w'imvange ukiri mu igeragezwa nyuma yuko we n'umugore we Melania Trump babasanzemo Covid-19.
Mu butumwa bwa videwo yatangaje kuri Twitter, Bwana Trump yagize ati:
'Ndatekereza ko meze neza cyane. Ariko tugiye gukora kuburyo ibintu bigenda neza. Madamu ameze neza cyane. Rero murakoze cyane'.
Mu butumwa bwa videwo yatangaje kuri Twitter, Perezida Trump yagize ati:
'Ndatekereza ko meze neza cyane. Ariko tugiye gukora kuburyo ibintu bigenda neza. Madamu ameze neza cyane. Rero murakoze cyane'.
Nyuma gato ya saa sita z'ijoro zaho, Bwana Trump yongeye kwandika kuri Twitter ati:
'Birimo kugenda neza, ni ko mbitekereza. Murakoze mwese. NDABAKUNDA!!!'
Abana Perezida Trump, bitwa Ivanka na Eric, na bo batangaje ubwo butumwa bwe mu buryo bwa 'retweet', bamushimagiza ko ari 'indwanyi'.
Ivanka yongeyeho ati: 'Ndagukunda papa'.
Perezida Trump bishobora kumuviramo n'ikibazo mu matora asigaje ukwezi kumwe ngo abe, kuko n'ubundi yari asanzwe arushwa amahirwe menshi yo gutorwa na Joe Biden bahatanye wo mu ishyaka ry'abademokarate, nkuko imibare y'amakusanyabitekerezo ibigaragaza.
Indege ya kajugujugu ya Marine One mu busitani bwa White House itegereje Perezida Trump
Source : https://impanuro.rw/2020/10/03/perezida-donald-trump-ari-mu-bitaro-nyuma-yuko-bamusanzemo-covid_-19/
