Kuri uyu wa mbere tariki 14 Nzeri 2020 mu Karere ka Rutsiro , Polisi y'u Rwanda yatangaje ko yafashe abantu batandatu bagaragaye mu mashusho bakubita uwitwa Nshimiyimana Jean.
Abo bantu bamukubitaga nyuma yo kumufata amaze kwiba ibintu bitandukanye mu Murenge wa Nyabirasi, mu Karere ka Rutsiro.
Mu butumwa yanyujije kuri twitter, Polisi y'u Rwanda iributsa Abaturarwanda ko kwihanira bitemewe.
Amashusho agaragaza umuntu uryamye mu kiziba cy'amazi, hejuru ye hahagaze abantu bafite inkoni bari kumugubita.
Abafashwe uko ari batandatu bafungiye kuri sitasiyo ya Polisi ya Kivumu, mu gihe iperereza ririmo gukorwa n'urwego rubishinzwe.
