Ni imvugo iri mu butuma bwa Minisitiri w’Ubutedetsi bw’Igihugu Prof. Anastase SHYAKA yanyujije kuri Twitter bukwira no kuzindi mbuga nkoranyambaga yibutsa abakora mu nzago z’ibanze bose guhoza umuturage ku isonga, gukomeza umutekano n’iterambere.
Ubutumwe bwa Minisitiri Shyaka bugira buti:“@RwandaLocalGov Mwaramutse mu z’Ibanze. Umuturage ku isonga: Igihango kuri twe!
#Mudugudu wo muri @NyaruguruDistr ati:” Turi inyuma ya Perezida wacu @PaulKagame; twambarire gukomeza umutekano n’iterambere. Ntakwirara, Ntagucogora”!
Minisitiri yongeraho ati:”Tumwikirize, mu gihugu hose”
Uyu mukuru w’Umudugudu Minisitiri Shyaka yavugaga, ni uwitwa Kalinda Emmanuel akaba ayobora Umudugudu wa Ryabisagara, Akagali ka Runyombyi mu Murenge wa Busanze.
Mu ruzinduko rw’akazi Minisitiri aherutse kugirira muri aka Karere, uyu Muyobozi w’Umudugudu yafashe ijambo mu izina rya bagenzi be aterura agira ati:” Nitwa Kalinda Emmanuel, ndi Umukuru w’Umudugudu witwa wa Ryabisagara mu Kagali ka Runyombyi, Nyakubahwa Minisitiri, ba Nyakubahwa bashyitsi mwadusuye mu Murenge wa Busanze, tubanje kubashimira rwose”.
“Umukuru wacu, ariwe Perezida Paul Kagame, intashyo yaduhaye twazakiriye, nk’Abakuru b’Imidugudu yo muri Busanze. Natwe turagirango tubatume uko mumutubwirira”.
“Muramubwira muti :”Abakuru b’Imidugudu mufatanije kuyobora iki gihugu, bashimye bavuga ko:”Not retreat, not surrender”” akomeza abisobanura mu Kinyarwanda ko bishatse kuvuga ko nta guhagarara, nta gusubira inyuma ku bijyanye n’iterambere.
Niyo ntero y’umuyobozi mwiza wo muri Nyaruguru Minisitiri Shyaka avuga ko Igihugu cyose gikwiye kwikiriza.
source https://impanuro.rw/2020/09/09/minisitiri-anastase-shyaka-ati-mwaramutse-mu-zibanze-umuturage-ku-isonga-igihango-kuri-twe-mudugudu-wo-muri-nyaruguru/
