Umunya-Bresil Bravo Ribeiro w'imyaka 20, ukinira Ikipe ya Soudal Quick-Step Development Team, yegukanye Agace ka Karindwi ka Tour du Rwanda 2026, kasorejwe kuri Kigali Pele Stadium nyuma yo kuva i Musanze ku ntera y'ibilometero 147,2.
Ni agace yegukanwe nyuma yo gukoresha amasaha 3 iminota 20 n'amasegonda 59 akaba yasize amasegonda 9 umubiligi wamukurikiye ukinira Lotto Groupe Wanty, Van Gils Lucas.
Aka gace kahagurukiye Musanze kagasorezwa kuri Kigali Pelé Stadium, ntabwo kahiriye abanyarwanda kuko uwaje hafi ni Masengesho Vainquer wa Benediction wasizwe amasegonda 30. Abandi ni Byukusenge Patrick wa Team Rwanda wabaye uwa 22 asizwe amasegonda 46.
Nyuma y'aka gace ka 7, Umudage Moritz Kretschy ukinira Ikipe ya NSN Development Team yasatiriye kwegukana Tour du Rwanda 2026 nyuma y'uko hagumyemo iminota ibiri hagati ye n'umukinnyi umurikiye mu gihe hasigaye Agace ka Munani kazakinwa ku Cyumweru:
Dore uko urutonde rusange ruhagaze:
1. Moritz Kretschy (NSN Devo Team): 21h09'08'
2. Johannes Adamietz (Rembe | Rad-net): +2'08'
3. Duarte Marivoet (Lotto-Groupe Wanty): +2'32'
4. Amaniel Desta (Team Amani): +3'13'
5. Jurgen Zomermaand (Picnic Devo Team): +4'13'
6. Henrique Bravo Ribeiro (Soudal Quick-Step Devo Team): +4'21'
10. Henok Mulubrhan (Eritrea): +4'41'
17. Niyonkuru Samuel (Team Amani): +5'51'
Tour du Rwanda ya 2026 izasozwa ku Cyumweru, tariki ya 1 Werurwe, hakinwa Agace ka Munani aho abakinnyi bazazenguruka i Kigali ku ntera y'ibilometero 83,8 guhera Saa 13:00.
Source : http://isimbi.rw/umunya-brazil-yegukanye-agace-ka-7-ka-tour-du-rwanda.html
