Nyuma y'igihe nta kipe, Manishimwe Djabel ubu ni umukinnyi w'ikipe ya Police FC ya mbere ku rutonde rwa shampiyona ya 2025-26.
Djabel uheruka gutandukana n'ikipe ya Naft Al-Wasat Sports Club yo muri Iraq, nta kipe yari afite kuva uyu mwaka w'imikino wa 2025-26 watangira.
Mbere y'uko utangira yavugwaga mu makipe yo mu Misiri na Algeria, nyuma hazamo na Azam FC yo muri Tanzania, Police FC yaravugwaga, gusa nta n'imwe yasinyiye.
Kuri uyu wa Kabiri tariki ya 14 Ukwakira 2025, Police FC ikaba yamaze kumutangaza nk'umukinnyi wayo mushya ugiye kuyifasha mu mwaka w'imikino wa 2025-26.
Manishimwe Djabel yakiniye amakipe atandukanye mu Rwanda arimo Rayon Sports, APR FC yabereye kapiteni na Mukura VS.
Police FC yasinyishije Manishimwe Djabel
Ubu ni umukinnyi mushya wa Police FC
