Itsinda ry'abantu ryatawe muri yombi i Dubai rishinjwa kwiyandagaza mu ruhame nyuma yuko ryifotoreje hanze ryambaye ubusa.
Amashusho yatangajwe ku mbuga za internet ku wa gatandatu agaragaza itsinda ry'abagore bambaye ubusa barimo kwifotoreza ku ibaraza.
Abagore 11 bo muri Ukraine ni bamwe mu bafunzwe, nkuko ibiro bihagarariye Ukraine muri Emira Zunze Ubumwe z'Abarabu (UAE) byabibwiye BBC dukesha iyi nkuru. Umurusiya umwe na we yafunzwe, nkuko ibitangazamakuru byo mu Burusiya byabivuze.
Kwiyandagaza mu ruhame bihanishwa igifungo kigera ku mezi atandatu no gucibwa amande y'ama-dirham 5,000 (arenga miliyoni 1,3 mu mafaranga y'u Rwanda).
Polisi y'i Dubai yaburiye umuntu uwo ari we wese ukwirakwiza amashusho y'imibonano mpuzabitsina cyangwa ibintu 'bishobora guhungabanya imyitwarire ya rubanda' ko ashobora gufungwa kandi agacibwa amande.
Source : https://impanuro.rw/2021/04/06/polisi-yafunze-abagore-bifotoreje-ku-ibaraza-bambaye-ubusa/
