Urubanza rw'abafatanywe na Kizito Mihigo rugeze he ? #rwanda #RwOT

webrwanda
0

Aba ni Jean Bosco Nkundimana bivugwa ko yari umukozi wo mu rugo rwa Kizito Mihigo, Innocent Harerimana na Joel Ngayabahiga.

Tariki 20 Gashyantare 2020, Mme Ingabire Michelle Umuhoza wari Umuvugizi wa RIB, yavuze ko aba bagabo baregwa ibyaha bibiri bisa n'ibyo Kizito Mihigo yari akurikiranyweho.

Ibyo byaha ni Gushaka kwambuka umupaka mu buryo bunyuranyije n'amategeko, ndetse n'Icyaha cyo Gutanga ruswa.Tariki 14 Gashyantare, 2020 nibwo Urwego rw'Ubugenzacyaha (RIB) rwemeje kuri Twitter ko Kizito Mihigo yafashwe ku wa kane tariki 13 Gashyantare 2020.

Police y'u Rwanda yatangaje urupfu rwa Kizito Mihigo ku wa 27 Gashyantare 2020, itangazo ryavugaga ko 'mu rukerera rwo kuri uyu wa mbere ahagana saa kumi n'imwe (05h00) ari bwo basanze Kizito w'imyaka 38 yiyahuye.'

Nyuma y'urupfu rwe, inkuru zivuga kuri bariya bantu bafatanywe na we zaracecetse mu itangazamakuru.

Kizito Mihigo utaribagirana mu mitwe y'abamukundaga, ku wa 13 Gashyantare nibwo Urwego rw'Ubugenzacyaha, RIB, rwatangaje ko rwataye yafatiwe mu Karere ka Nyaruguru ashaka kujya i Burundi, mbere yaho muri 2014 yafashwe akekwaho ibyaha byo kugirira nabi Umukuru w'igihugu, ndetse muri 2015 akatirwa gufungwa imyaka 10.

Uyu muhanzi waririmbaga indirimbo zo muri Kiliziya gatulika n'iz'ubumwe n'ubwiyunge, muri Nzeri 2018 yari yarekuwe ku mbabazi za Perezida wa Repubulika.

UKWEZI.RW



Source : http://www.ukwezi.rw/mu-rwanda/3/Urubanza-rw-abafatanywe-na-Kizito-Mihigo-rugeze-he

Post a Comment

0Comments

Post a Comment (0)