Hope Nigihozo, umugore wa Nyakwigendera Dj Miller, yibukanye icyubahiro iyi tariki ya 05 Werurwe kuko ariyo tariki yambikiweho impeta ya fiancaille na Dj Miller. Hari tariki ya 05 Werurwe 2019 nibwo Dj Miller yambitse impeta Hope Nigihozo nyuma y'imyaka isaga 5 bakundana. Hope abinyujije ku rukuta rwe rwa instagram aho yifashishije amwe mu mafoto y'urwibutso y'icyo gihe akayaherekesha amagambo agaragaza icyubahiro agomba Dj Miller wamwambitse impeta kuri uyu munsi.
Nyuma yuko Hope ashyize hanze aya mafoto yayaherekesheje amagambo agira ati:'2 years later
👧'. Urukundo rwa Dj Miller na Hope Nigihozo rwakomeje gututumba ndetse biba akarusho tariki ya 28 Kamena 2019 ubwo aba bombi bemeranyaga kubana akaramata nk'umugabo n'umugore. Imana yahaye umugisha urugo rwa Dj Miller na Hope Nigihozo maze tariki ya 16 Ukwakira 2019 ibaha umwana w'umukobwa bamwita Shani.
Tariki ya 05 Mata 2020 inkuru y'incamugongo nibwo yasakaye ko Dj Miller yitabye Imana azize indwara ya stroke, inkuru yababaje inshuti za Dj Miller, abafana be, abakunzi b'umuziki nyarwanda ndetse n'abamumenye bose hirya no hino ku isi.
Â
