Ku munsi w' ejo twabagejejeho inkuru y' umukandida wajyanwe mu bitaro ku munsi w'amatora, aho ubu byamaze gutangazwa ko yitabye Imana #rwanda #RwOT

Ejo ku cyumweru tariki ya 21 Werurwe 2021,twabagejejeho inkuru y' umukandida ukomeye utavuga rumwe n'ubutegetsi muri Congo-Brazzaville wajyanwe mu bitaro ku munsi w'amatora, aho ubu byamaze gutangazwa ko yitabye Imana nyuma yo kujyanwa mu bitaro mu Bufaransa kubera Covid-19, nk'uko bivugwa na radio mpuzamahanga y'Abafaransa RFI.

Ukuriye ibikorwa bye byo kwiyamamaza, yabwiye ibiro ntaramakuru AFP ko Kolelas 'yapfiriye mu ndege y'abarwayi yaje i kumuvana i Brazzaville ku cyumweru nimugoroba'.

Amashusho yakwirakwijwe ku mbuga nkoranyambaga kuri uyu wa Gatanu tariki ya 19 Werurwe 2021, yerekana Kolelas aryamye ku buriri yambaye ku munwa igikoresho kimwongerera umwuka ndetse ku kuboko yambaye ikindi kigabanya umuvuduko w'amaraso .

Muri ayo mashusho Kolelsas avuga ko ari mu bibazo bikomeye kuko ubuzima bwe buri mu kaga.

Umukandida avuga mu ijwi ryuje intege nke nyuma yo gukuramo icyo gikoresho kimwongerera umwuka (mask) . Yagize ati 'Icyakora ndabasaba guhaguruka mugatora impinduka. Ntabwo ndi kurwanira ubusa'.

Umuvugizi we ushinzwe ibikorwa byo kwiyamamaza yemeje ko amashusho yakwirakwiye ku mbuga ari ukuri ndetse ko Kolelas ari kwitabwaho n'abaganga.

RFI ivuga ko amakuru ikesha abo mu muryango we ari uko yapfiriye mu bitaro byo mu Bufaransa aho yari amaze kugezwa.

Kuwa Gatanu tariki ya 19 Werurwe , Kolelas ntiyitabiriye ibikorwa byo kwiyamamaza. Uyu musaza w'imyaka 61 yari asanzwe afite ibindi bibazo by'uburwayi bwa diyabete .

Kolelas yabaye uwa Kabiri kuri Sassou Nguesso mu matora y'Umukuru w'igihugu yo mu 2016 n'amajwi agera kuri 15%.


Guy Brice Parfait Kolélas yitabye Imana nyuma yo kugezwa mu bitaro kubera Covid_19



Source : https://impanuro.rw/2021/03/22/ku-munsi-w-ejo-twabagejejeho-inkuru-y-umukandida-wajyanwe-mu-bitaro-ku-munsi-wamatora-aho-ubu-byamaze-gutangazwa-ko-yitabye-imana/

Post a comment

0 Comments