Abakinnyi b'Ikipe y'Igihugu, abatoza ndetse n'abandi baherekeje ikipe, bahagurutse i Kigali mu gitondo cyo kuri uyu wa Gatanu berecyeza i Douala muri Cameroon.
Muri uru rugendo rwamaze amasaha atanu, indege yabajyanye yabanje kunyura i Brazaville mbere yo kwerecyeza i Douala.
Ku gicamunsi cyo kuri uyu wa Gatanu, Ishyirahamwe ry'Umupira w'Amaguru mu Rwanda FERWAFA ryatangaje ko iyi kipe yagezemo amahoro.
Iyi kipe ubu icumbitse muri Onomo Hotel ya Douala muri kiriya gihugu cya Cameroon.
Ikipe y'u Rwanda ubu iri ku mwanya wa kabiri mu itsinda F nyuma yo gutsinda Mozambique mu mukino wabaye ku wa Gatatu w'iki cyumweru.
U Rwanda rugiye guhura na Cameroon iyoboye iri tsinda mu gihe Mozambique iri ku mwanya wa gatatu naho Cape Verde ikaba ari iya kane.
UKWEZI.RW
Source : http://www.ukwezi.rw/Imikino/article/AMAFOTO-Amavubi-yageze-i-Douala-amahoro
