Zidane yafatiye ibihano bikomeye Vinicius Jr wakoze igikorwa kigayitse #rwanda #RwOT

Muri iyi minsi,Vinicius Jr ntari kubona umwanya wo gukina kubera impamvu zitatangajwe gusa ibinyamakuru biherutse gutangaza ko aherutse kurakaza cyane umutoza we Zinedine Zidane ubwo yafataga telefoni agatangira koherereza ubutumwa abantu kandi ari mu nama na bagenzi be yari yatumijweho na Zinedine Zidane.

Iyi myitwarire ngo yababaje cyane Zidane amusaba guhindura iyi myitwarire anamukura mu ikipe.

Vinicius Jr w'imyaka 20 ntiyigeze agaragara mu mikino 5 Real Madrid iheruka aho bikekwa ko ari ukubera iyi myitwarire.

Mu mwaka ushize,nabwo Vinicius Jr,ngo yitwaye nabi mbere y'umukino wo kwishyura wa UEFA Champions League basuyemo Manchester City ikabatsinda ibitego 2-1 aho yarakaye cyane nyuma yo gusimbuzwa Eden Hazard mu ikipe ibanza mu kibuga.

Icyo gihe nabwo ngo yahise afata telefoni ayirebamo cyane aho kumva amabwiriza y'umutoza Zidane.Uyu mutoza ngo yararakaye nubwo nta kintu yigeze abwira uyu munya Brazil.

Uyu mukinnyi ukina asatira ariko uzwiho guhusha ibitego byinshi,arifuzwa n'ikipe ya Arsenal imaze igihe mu bihe bibi.



Source : http://umuryango.rw/imyidagaduro/imikino/article/zidane-yafatiye-ibihano-bikomeye-vinicius-jr-wakoze-igikorwa-kigayitse

Post a comment

0 Comments