Polisi y'u Rwanda iri gushakisha umugabo wo mu karere ka Kicukiro mu murenge wa Gatenga ukekwaho gutemera abantu babiri mu kabari ke bapfuye ko bari banze kumwishyura agahita atoroka. Ibi byabaye mu ijoro ryo kuri uyu wa Gatanu tariki ya 20 Ugushyingo 2020.
Amakuru avuga ko uwo mugabo ubusanzwe yari afite iduka, mu bihe bya Covid_19 akaza kurihindura akabari ko kunywera mo inzoga.
Kuwa Gatanu muri iryo duka haje kunywera mo abagabo babiri, abishyuje babura ayo kwishyurira , ayita afata umwanzuro wo kubatema arabakomeretsa.
Umuvugizi wa Polisi w'Umujyi wa Kigali, CIP Sylvestre Twajamahoro, yavuze ko uwo mugabo amaze gutema abo bantu, yahise atoroka inzego z'umutekano zahagera zikamubura, niko gutangira kumushakisha.
Yagize ati: 'Inzego z'umutekano ziri gukorana kugira ngo uyu mugabo afatwe ndetse aryozwe ibyo yakoze. Hari amakuru avuga ko yaba ari mu karere ka Gicumbi iperereza ricyakomeje ari gushakishwa.'
CIP Twajamahoro yasabye abaturage kwirinda kujya mu tubari kandi bibujijwe muri ibi bihe byo kwirinda Coronavirus, abasaba kandi no kwirinda amakimbirane.
Amakuru avuga ko umugore w'ukekwa yahise atabwa muri yombi mu gihe abakomerekejwe bo bari kwitabwaho n'abaganga.
Src: Igihe
Source : https://impanuro.rw/2020/11/23/kicukiro-umugabo-yatemeye-abantu-babiri-mu-kabari/
