Mu ijonjora ry'ibanze ry'imikino Nyafurika ya CAF Champions League ikipe ya APR FC yatomboye ikipe ya Gor Mahia yo muri Kenya.
Ni muri tombora yabaye uyu munsi ku wa Mbere tariki ya 9 Ugushyingo 2020 ibera ku cyicaro gikuru cy'impuzamashyirahamwe y'umupira w'amaguru muri Afurika 'CAF' kiri Cairo mu Misiri.
APR FC nyuma yo kwegukana igikombe cya shampiyona cya 2019-2020 yahise itsindira itike yo guhagararira u Rwanda muri CAF Shampions League.
APR FC ikaba igomba guhura mu ijonjora ry'ibanze na Gor Mahia yo muri kenya.
Gor Mahia izahura na APR FC ikinamo Jules Ulimwengu wahoze ukinira Rayon Sports yo mu Rwanda ndetse ubu itozwa na Robertinho na we wahoze utoza Rayon Sports.
Umukino ubanza kuzaba hagati ya tariki ya 27 na 29 Ugushyingo 2020 mu gihe uwo kwishyura uzaba hagati y'itariki ya 4 na 6 Ukuboza 2020.
Source : http://isimbi.rw/siporo/article/apr-fc-yamenye-ikipe-izahura-nayo-muri-caf-champions-league
