Ku munsi w' ejo hashize tariki 6 Ukwakira 2020, Perezida wa Repubulika ya Uganda, Yoweri Museveni yasobanuye uburyo atanywa inzoga ariko agakunda abanywi bazo bitewe n'uko batuma igihugu cyinjiza imisoro.
Uyu Mukuru w'Igihugu yabitangarije mu mbwirwaruhame, ubwo muri Uganda bizihizaga Umunsi Mpuzamahanga wahariwe mwarimu. Yaboneyeho kuvuga ku cyorezo cya Covid-19 n'ingamba zafashwe mu kucyirinda.
Ubwo Museveni yavugaga ku mikorere y'utubari muri iki gihe ni bwo yasobanuye uburyo adakunda inzoga, ariko agakunda abazinywa.
Yagize ati:
'Ntabwo nywa inzoga ariko nkunda abanywi bazo bitewe n'uko buri cupa ryafashwe, ribarirwa umusoro'.
Perezida Museveni yavuze ko imisoro ikusanywa muri Uganda yiyongereye, ati:
'Ikibazo si amafaranga ahubwo ni ukugena ingengo y'imari yayo'.
