Ronaldo Luis Nazario de Lima w'imyaka 44 y'amavuko , akaba umukinnyi w'igihangange mu mateka y'umupira w'amaguru, yagereranyije ubuhanga bwa ba rutahizamu b'ikipe ya Paris Saint-Germain aribo Kylian Mbappe Lottin na mugenzi we Neymar Jr.
Kylian Mbappe Umufaransa w'imyaka 22 y'amavuko na Neymar Jr Umunya-Brazil w'imyaka 28 y'amavuko, bamaze imyaka irenga itatu bakinana mu ikipe imwe ya Paris Saint-Germain, akaba aribo bakinnyi b'ibihangange bayoboye ubusatirizi bw'iyi kipe ikomeye mu gihugu cy'u Bufaransa.
Benshi mu bakurikira umupira w'amaguru ku Isi bakunda kujya  impaka bibaza umukinnyi w'umuhanga ufatiye runini ikipe ye bigendanye n'uko aribo bakinnyi bahenze mu kugurwa baza muri Paris Saint-Germain.Â
Ronaldo Luis Nazario de Lima , mu kiganiro yagiranye na Televiziyo ikomeye cyane yo mu gihugu cya Brazil yitwa Fox Sports, yahishuye ko bose ari abakinnyi b'abahanga cyane ariko ashimangira ko Mbappe agifite amahirwe yo kuzakora ibitangaza mu minsi iri imbere.
Yagize ati: 'Bombi ni abakinnyi b'abahanga cyane, ubushobozi bwabo nta muntu n'umwe wabushidikanyaho, baracyafite urugendo rurerure rwo kuzakora amateka mu mupira w'amaguru by'umwihariko n'abakinnyi bamaze imyaka myinshi bahetse ikipe babarizwamo'.
'Mbappe aracyafite imyaka mike cyae, nakomeza urwego ariho azakora amateka ahambaye, n'umukinnyi ushyira umutima ku kazi kandi akanagerageza kwitwara neza hanze y'ikibuga ibintu usanga byarananiye abakinnyi hafi ya bose b'umupira w'amaguru, azakora byinshi byiza cyane bigendanye n'ubushobozi agaragaza ku myaka ye mike '.
Ronaldo Luis Nazario de Lima, yakiniye amakipe akomeye nka Cruzeiro, PSV, Barcelona, Inter Milan, Real Madrid, AC Milan na Corinthians y'iwabo muri Brazil ari nayo yasorejemo umupira w'amaguru.
