Umuraperi Neg G The General yatangaje amagambo akomeye ateguriza kugaruka kwe muri muzika Nyarwanda. #rwanda #RwOT

Ngenzi Serge ukoresha amazina ya Neg G The General, mu muziki byumwihariko injyana ya hip hop abarizwamo kuva na cyera, yahishuye ko agiye kugarukana mu muziki imbaraga zidasanzwe.

Ni nyuma yuko uyu musore amaze igihe gito cyane avuye ku cyirwa cya Iwawa gisanzwe kigorerwamo urubyiruko rukoresha ibiyobyabwenge we na bagenzi be barimo Young Tone ndetse na Fireman wavuyeyo mbere yabo, Abinyujije ku rukuta rwe rwa Facebook Neg G The general yatangaje amagambo agaragaza imigabo n’imigambi agiye kugarukana muri muzika

Umuraperi Neg G The General uteganya kongera gukora umuziki.

Neg G yagize ati “Kuvuka gushya kwa Neg G, Kuvuka gushya kwa Hip hop nyarwanda” Uyu musore atangaje aya magambo nyuma yuko hari hashize amasaha macye mugenzi we bakoranye igihe kinini mu itsinda UTP Soldiers, Riderman ashyize hanze indirimbo nshya yise “Padre” nayo ikubiyemo amagambo yo guhamya ibigwi n’imyato bye muri Hip Hop nyarwanda nkaho agira ati “Abaraperi bo mu Rwanda bakwiye kumenya ko ari njye nkingi ya mwamba muri Hip hop nyarwanda”

Bamwe mu bari bagize itsinda rya UTP Soldiersryakunzwe cyane mu myaka ya za 2005

Neg G The General uri mu baraperi batangije injyana ya Hip hop Crack & Raggaton” yamenyekanye cyane mu ndirimbo zitandukanye zirimo “Parler, Internat, Umurabyo, Karara, Abashomeri” ndetse n’izindi nyinshi, Yajyanywe Iwawa nyuma yo gufatwa akoresha ikiyobyabwenge cyo mu bwoko bwa Heroine kizwi nka “Mugo”
Neg G kandi yaherukaga kumvikana mu ndirimbo “Nshingukaho” yafatanyijemo na Amag The Black

The post Umuraperi Neg G The General yatangaje amagambo akomeye ateguriza kugaruka kwe muri muzika Nyarwanda. appeared first on KASUKU MEDIA.

source https://kasukumedia.com/umuraperi-neg-g-the-general-yatangaje-amagambo-akomeye-ateguriza-kugaruka-kwe-muri-muzika-nyarwanda/