Amavubi yamaze gusesekara muri Afurika y'Epfo aho agiye gukina umukino wa nyuma w'itsinda C mu gushaka itike y'igikombe cy'Isi cya 2026.
Tariki ya 15 Ugushyingo 2023 nibwo yatangiye uru rugendo rwo gushaka itike y'igikombe cy'Isi cya 2026 kizabera muri Leta Zunze Ubumwe za Amerika na Canada aho yanganyije na Zimbabwe 0-0 ubu akaba azarusoreza kuri Afurika y'Epfo tariki ya 14 Ukwakira 2024.
Amavubi akaba yagiye muri Afurika y'Epfo nyuma y'uko yaraye itsinzwe na Benin 1-0 binashyira iherezo ku nzozi z'u Rwanda zigana muri iki gikombe.
Mu gitondo cyo kuri uyu wa Gatandatu nibwo ikipe y'Igihugu yahagurutse mu Rwanda yerekeza muri Afurika y'Epfo, ikaba yamaze kugera mu Mujyi wa Johannesburg ahazabera uyu mukino kuri Mbombela Stadium.
Umutoza Adel Amrouche akaba yahagurukanye abakinnyi yifashishije ku mukino w'ejo hashize wo batsinzwemo na Benin.
Kugeza ubu mu itsinda C, Benin ifite amanota 17, Afurika y'Epfo 15, Nigeria 14, U Rwanda 11, Lesotho 9 na Zimbabwe ifite 5.
