Muri uyu mwaka wa 2023 abakinnyi babiri bakomoka mu Butaliyani bamaze gufatirwa ibihano bashinjwa gutega (betting) nyamara ubusanzwe bihabanye n'amategeko agenga umupira w'amaguru.
Abo bakinnyi ni Sandro Tonali usanzwe ukinira ikipe ya Newcastle United, uyu yahanwe amezi 10 adakina nyuma yo guhamwa n'ibyaha bya betting yakoze ubwo yakiniraga ikipe ya AC Milan yo mu Butaliyani. Undi ni Nicolò Fagioli usanzwe ukinira ikipe ya Juventus yo mu Butaliyani, uyu we yahanwe amezi 7 nyuma yo guhamwa n'ibyaha bya betting. Aba bombi ubusanzwe bakaba bakina mu kibuga hagati.
Kuri ubu amakuru aturuka mu Butaliyani aravuga ko undi mukinnyi w'Umutaliyani ukinira ikipe ya AC Milan nawe yatangiye gukurikiranwa ashinjwa ibyaha bya betting, ni myugariro wo ku ruhande rw'iburyo w'imyaka 32 y'amavuko Alessandro Florenzi.
Mu gihe Alessandro Florenzi nawe yahamwa n'ibi byaha bya betting ntakabuza yahabwa ibihano. Iperereza kuri uyu mukinnyi rije risanga iry'undi mukinnyi nawe ukomoka mu Butaliyani ukinira ikipe ya Aston Villa nk'intizanyo ya Galatasaray Nicolò Zaniolo nawe ukurikiranyweho ibyaha bya betting.
Source : https://yegob.rw/undi-mukinnyi-ukomoka-mu-butaliyani-yatangiye-gukurikiranwa-ashinjwa-betting/
