Kuri uyu Wagatatu imikino yo ku munsi wa 2 mu matsinda ya Champions League yakomezaga. Nk'ibisanzwe yatangiye gukinwa saa kumi nebyiri n'iminota 45 ariko ikomeye ikinwa saa tatu z'umugoroba.
Umukino warutegerejwe n'abenshi ni uwo mu itsinda ry'urupfu F ,Newcastle United yari yakiriyemo Paris Saint-Germain kuri St James' Park. Warangiye iyi kipe yo mu Bufaransa ihuye n'ibibazo ikubitwa ibitego 4-1,ibi bitego bya Newcastle United byatsinzwe na Almiron ku munota wa 17,Burn kuwa 39,Longstaff kuwa 50 maze Schar aza aterekamo agashinguracumu naho Ikimpozamarira cya Paris Saint-Germain cyo cyatsinzwe na Lucas Hernandez ku munota wa 56.
Undi nawo wo muri iri tsinda warukomeye nuwo Borussia Dortmund yari yakiriyemo AC Milan ariko warangiye amakipe yombi aguye miswi anganya 0-0.
Mu itsinda G naho Manchester City yari yagiye mu Budage gukinayo na RB Leipzig kuri Red Bull Arena Leipzig. Uyu mukino warangiye iyi kipe yo mu Bwongereza itahanye itsinzi y'ibitego 3-1 byatsinzwe na Foden kuwa 25, Julian Alvarez agitsinda kuwa 84 naho Jeremy Doku agitsinda kuwa 90+2. Icya RB Leipzig yariri imbere y'abafana bayo cyatsinzwe na Openda ku munota wa 48.
Ikipe ya FC Barcelona kandi nayo mu itsinda H yabonye intsinzi igoranye y'igitego 1-0 aho yari yagiye gusura FC Porto muri Portugal. Iki gitego 1 cyatsinzwe na Ferran Torres kuwa 45+1 yinjiye mu kibuga asimbuye Lewandowski warugize ikibazo cy'imvune.
Kylian Mbappé wahuriye n'uruva gusenya mu BwongerezaÂ
Newcastle United yahaye isomo Paris Saint-GermainÂ
Abakinnyi ba Manchester City bishimira intsinzi bakuye mu Budage Kwa RB LeipzigÂ
