Ishyirahamwe ry'umupira w'amaguru mu Rwanda ( FERWAFA) ryatangaje ko 65% y'amatike y'umukino wa Super Cup hagati ya Rayon Sports na APR FC yamaze kugurwa.
Mu Cyumweru cyashize nibwo FERWAFA yatangaje ibiciro byo kuzareba umukino w'Igikombe kiruta ibindi mu Rwanda cya 2023, FERWAFA Super Cup 2023, uzakinwa ku itariki 12 Kanama 2023 kuri Kigali Pelé Stadium hagati ya Rayon Sports yatwaye Igikombe cy'Amahoro na APR FC yatwaye Igikombe cya shampiyona y'ikiciro cya mbere.
Kuri ubu FERWAFA yifashishije imbuga nkoranyambaga zayo yatangaje ko 65 y'amatike amaze kugurwa, bivuze ko muri Kigali Pele Stadium hasigaye 35 by'imyanya.
FERWAFA iti '65% y'amatike amaze kugurwa.'
FERWAFA yaboneyeho kwibutsa abantu kudacikanwa n'amahirwe bakigurira tike Kugira ngo batazasiba i ibi birori by'umupira w'amaguru by'imbonekarimwe.
