Nyuma y'uko umutoza Yamen Zelfani wa Rayon Sports anenze imikinire y'abakinnyi yasanze mu ikipe atagize uruhare mu kubagura, yasabye ubuyobozi ko bwamugurira abakinnyi ubwe yagizemo uruhare koko ngo intego ye ni ukugira mu matsinda ya CAF Confederation Cup.
Byatumye rero iyi kipe yambara Ubururu n'Umweru itangira ibiganiro na rutahizamu w'umunya Sudan witwa Waleed Bakhet Hamid ushobora gukina aca no ku mpande.
Ibiganiro bigenze neza Waleed Bakhet Hamid ashobora kuza muri Rayon Sports ku wa mbere w'icyumweru gitaha.
Uyu musore yakinaga muri Al Hilal y'iwabo, akaba ari n'umukinnyi w'ikipe y'igihugu ya Sudan.
