Minisiteri ya Siporo yagaragaje ko hakenewe miliyoni 25,8 mu bikorwa bya siporo 2023-24 hari icyuho cya miliyoni zirenga 17.
Ibi Minisitiri wa Siporo, Munyangaju Aurore Mimosa yabigaragarije Komisiyo y'Abadepite ishinzwe Ingengo y'Imari n'Umutungo w'Igihugu ku munsi w'ejo hashize ku wa Gatanu tariki ya 11 Gicurasi 2023 ubwo yari yabatumijeho ku isesengura ku mbanzirizamushinga y'ingengo y'imari.
Yagaragarije iyi Komisiyo ko mu mwaka w'imikino wa 2022-23 u Rwanda rwitabiriye amarushanwa atandukanye mupira w'amaguru, Basketball, Volleyball, Handball, Imikino y'Abafite ubumuga, Tennis, Imikino Olempike, Imikino ya Commonwealth no mu mukino wo gusiganwa ku magare aho hamaze gukoreshwa 91% by'ingengo y'imari yari yasabwe ingana na 4,568,000,000 frw aho bamaze gukoreshamo 3,947,926,342 frw.
U Rwanda rukaba rwarakoresheje 3,797,689,896 frw mu gutegura inama n'amarushanwa yabereye mu Rwanda. Muri rusange ingengo y'imari ivuguruye ya 2022-23 yari 12,009,585,895 Frw ikaba igeze kuri 88% ikoreshwa (10,576,068,448 Frw).
2023-24 MINISPORTS yateganyije ingengo y'imari ingana na 11,505,194,531 Frw ni mu gihe 2024-25 na 2025-26 yasanze hakenewe 11,169,833,685 Frw.
Minisitiri Munyangaju Aurore Mimosa yagaragarije abadepite ko mu biganiro bagiranye na Minisiteri y'Imari n'Igenamigambi hari ibikorwa bitabonewe ingengo y'imari kandi hakaba harimo icyuho kinini
Yagaragaje ko makipe y'igihugu hazakenerwa 9,625,236, 086 Frw ikaba yaragenewe miliyari 8.6 Frw ni mu gihe ku marushanwa n'inama u Rwanda hakenewe 12,430,000,000 Frw yagenewe miliari 3.83 Frw.
Kwitabira amarushanwa mpuzamahanga, muri 9 625,236,086 Frw akenewe, hatanzwe 3,749,907,299 Frw mu gihe habura 5,875,328,787 Frw bivuze ko hari ibikorwa byinshi byaburiwe ingengo y'imari.
Source : http://isimbi.rw/siporo/article/ihurizo-kuri-minisiteri-ya-siporo
