Header Ads Widget

Technology

Abafana binjiye mu kibuga bahondagura abakinnyi babo n'abatoza #rwanda #RwOT

Ikipe yo mu cyiciro cya mbere muri Colombia yahuye n'akaga gakomeye ubwo abafana bayo 1,400 bayiteye mu kibuga bakubita abakinnyi babo n'abatoza.

Deportivo Cali, isanzwe iri ku mwanya wa nyuma muri Categoria Primera A ya Colombia,yari yerekeje kuri Estadio Doce de Octubre guhangana n'ikipe ya Cortulua kuwa gatatu.

Ikipe ya Cortulua yari mu rugo yafunguye amazamu ku munota wa 20 w'umukino gitsinzwe na Wilder Guisao hanyuma Feiver Mercado ashyiramo ikindi cyabahesheje amanota atatu kuri penaliti.

Ariko, ku munota wa 81 umukino wahagaritswe ubwo itsinda rinini ry'abafana bisutse mu kibuga.

Abantu bagera ku 1400 binjiye mu kibuga - abenshi muri bo bakaba bari abafana ba Deportivo Cali - batangira gutuka no gukubita abakinnyi n'abatoza.

Umusifuzi na benshi mu bakinnyi bahunze ariko bamwe bafashwe n'abafana barakubitwa.

Rutahizamu wa Deportivo Cali, Teofilo Gutierrez, yagerageje guhunga itsinda ry'abafana bari bafite umujinya mwinshi bamukubise imigeri.

Umutoza Mayer Candelo nawe yakomeretse muri ibyo bitero.

Deportivo Cali yashyize ahagaragara itangazo risaba abayobozi b'inzego z'ibanze kugira icyo bakora kugira ngo ibintu nk'ibi bitazongera kubaho mu gihe kiri imbere.

Rigira riti: "Umuryango wa siporo wa Cali, Komite Nyobozi, Perezida Luis Fernando Mena, Abakozi babigize umwuga, abayobozi n'abakozi bamaganye byimazeyo igitero, ihohoterwa n'ubugome ikipe yacu yahuye nabwo mu mukino waduhuje na Cortulua.



Source : https://umuryango.rw/imyidagaduro/imikino/article/abafana-binjiye-mu-kibuga-bahondagura-abakinnyi-babo-n-abatoza

Post a Comment

0 Comments

Nature