Header Ads Widget

Technology

Manchester United mu nzira zo kubona kizigenza Casemiro #rwanda #RwOT

Ikipe ya Manchester United iri gushaka abakinnyi bashya batanu mbere y'uko isoko rifunga aho bivugwa ko ishobora kubona umukinnyi wo hagati wa Real Madrid, Casemiro,wemeye kumva ibyo ishaka kumuha.

Amakuru aravuga ko habaye inama hagati ya Florentino Perez usanzwe ari Perezida wa Madrid na Casemiro ejo ku kibuga cy'imyitozo cya Valdebebas.

Real Madrid yabwiye Casemiro ko idashaka kumugurisha, ariko imubwira ko afite uburenganzira bwo guhitamo icyo ashaka

Casemiro ngo yiteguye kwakira icyifuzo cya United igihe cyose yamuha ibyo yifuza birimo umushahara uri hejuru.

The Telegraph ivuga ko United ishaka kuzana abakinnyi 5 barimo Pierre-Emerick Aubameyang,abo hagati 2 barimo:Sergej Milinkovic-Savic na Casemiro, Thomas Meunier, na Christian Pulisic.

United iri ku mwanya wa nyuma muri Premier League ngo iri gukubita inzu ibipfunsi kugira ngo irebe ko yakwiyubaka isko ritarafunga ndetse ngo yiteguye gutanga akayabo ku bakinnyi yifuza.

Umuhanga mu gutangaza amakuru ku isoko w'Umwongereza David Ornstein yavuze ko United iri mu biganiro byihariye na Casemiro ndetse bari hafi kumvikana kugira ngo ayerekezemo.

Byatangiye ari ibihuha ariko uyu munsi iyi nkuru yabaye impamo ko Casemiro umaze gutwara Champions League 5 yifuza kujya muri Premier League.

Amashitani atukura ashimangira ko uyu musore w'imyaka 30, yashyizwe ku rutonde rwabo yifuza mu ntangiriro z'iyi mpeshyi.

United ngo yizera ko, izanye uyu mukinnyi wo hagati wo hagati, yazana impinduka kuri Old Trafford mu bijyanye no kugura abakinnyi ndetse bikanayifasha kubona umusaruro muri Fred.

Ikipe ya Manchester United irashaka gutanga miliyoni 60 z'ama pound kuri Casemiro ndetse akaba umwe mu bahembwa akayabo.

Nyuma y'ibiganiro byo gusinyisha Adrien Rabiot wa Juventus byahagaze kubera ibyo umukinnyi yasabye, United yerekeje amaso kuri Casemiro mu gihe bashaka gukemura ikibazo kiri hagati mu kibuga mu ikipe ya Erik Ten Hag.

Casemiro yageze muri Real muri2013, yegukana ibikombe bitatu bya La Liga na Champions League eshanu.



Source : https://umuryango.rw/imyidagaduro/imikino/article/manchester-united-mu-nzira-zo-kubona-kizigenza-casemiro

Post a Comment

0 Comments

Nature