Header Ads Widget

Technology

Kenya: Umudepite ushinjwa kwica umuntu yishyikirije polisi #rwanda #RwOT

Umudepite wo muri Kenya wari umaze iminsi ahigwa aregwa kurasa akica umuntu ku biro by'itora, yishyikirije polisi.

Didmas Barasa yari amaze iminsi itatu yihishe kuva yaregwa kurasa akica umurwanashyaka ukomeye w'uwo bari bahanganye mu matora mu ntara ya Bungoma mu burengerazuba bwa Kenya.

Mu gihe yarimo guhigwa, byatangajwe ko ari we watsinze amatora, yahise yandika ku mbuga nkoranyambaga ashimira abamutoye.

Ababibonye bavuga ko Didmas Barasa, umudepite w'agace kitwa Kimilili, yarashe uwo mugabo mu mutwe nyuma y'ubushyamirane ku biro by'itora mu ntara ya Bungoma.

Polisi yatangiye guhiga uyu mudepite wahataniraga manda ya kabiri mu matora y'uyu mwaka. Yari yahawe amasaha 24 yo kwishyikiriza abarimo gukora iperereza kuri urwo rupfu.

Kuwa kane, umunyamategeko we yatangaje ko basabye ko azahita arekurwa by'agatganyo mu gihe bari bategereje ifatwa rye.

Didmas Barasa ntabwo ari mushya mu nkuru nk'izi. Umwaka ushize, yarafunzwe aregwa gukubita umunyamuziki wo muri aka gace.

Mbere yabaye umusirikare.

BBC



Source : https://umuryango.rw/amakuru/mu-mahanga/umutekano/article/kenya-umudepite-ushinjwa-kwica-umuntu-yishyikirije-polisi

Post a Comment

0 Comments

Nature