Perezida Paul Kagame, ku gicamunsi cyo kuri uyu wa Gatandatu tariki 18 Kamena 2022, yakiriye mu biro bye Village Urugwiro Perezida Umaro Sissoco Embaló wa Guinea-Bissau uri mu ruzinduko rw'akazi mu Rwanda.
Umukuru w'Igihugu na mugenzi we bagiranye ibiganiro byagarutse ku bibazo bireba ibihugu byombi ndetse no ku mugabane wa Afurika. Nk'uko urubuga rw'ibiro by'Umukuru w'Igihugu rwabitangaje.
Perezida Kagame yakiriye kandi Ramtane Lamamra, Minisitiri w'ububanyi n'amahanga wa Algeria akaba n'intumwa yihariye ya Perezida Abdelmadjid Tebboune.
Ku ya 7 Werurwe 2022, nibwo Perezida Umaro Sissoco Embaló wa Guinea-Bissau yaherukaga mu Rwanda mu ruzinduko rw'iminsi itatu.
Nyuma y'ibiganiro yagiranye na mugenzi we w'u Rwanda byabereye mu muhezo, bombi bakurikiranye umuhango wo gushyira umukono ku masezerano y'ubufatanye hagati y'ibihugu byombi mu nzego zitandukanye zirimo ibijyanye n'ubukungu, ubucuruzi, uburezi, kubungabunga ibidukikije ndetse n'ubukerarugendo.
@KT
The post Perezida wa Guinea-Bissau ari mu Rwanda appeared first on IRIBA NEWS.
Source : https://iribanews.rw/2022/06/18/perezida-wa-guinea-bissau-ari-mu-rwanda/
