Mugisha Moise yakuyemo iminota irenga 3 yarushwaga yegukana Tour du Cameroun 2022 #rwanda #RwOT

webrwanda
0

Mugisha Moïse ukinira ProTouch yo muri Afurika y'Epfo yegukanye Tour du Cameroun 2022 yasorejwe mu Mujyi wa Yaoundé, kuri iki Cyumweru, tariki ya 12 Kamena 2022.

Mugisha Moise yakoze akazi katunguye benshi ku gace ko ku munsi w'ejo, akuramo iminota 3 n'amasegonda 30" yarushwaga na Andreev Yordan wari uwa mbere noneho ahita amushyiramo 32".

Mu gace k'uyu munsi bahagurutse Ebolowa bajya i Yaoundé, urugendo rwa Km 149,yakitwayemo neza ntiyatakaza igihe bituma atwara Tour du Cameroon.

Kegukanwe na El Arbaoui Adil (Morocco) wakoresheje 3h40'17" mu gihe uyu Mugisha Moise yabaye uwa 8 arushwa amasegonda 18".

Irushanwa ryose muri rusange,Mugisha Moise yabaye uwa mbere akoresheje 26h34'24",akurikirwa na Andreev Yordan (Martigues) yaruhije amasegonda 32" na Tella Artuce (SNH) waruhijwe 33" .

Uyu musore ni isiganwa rya 2 rikomeye yegukanye muri iki gihugu nyuma ya Grand Prix Chantal Biya yatwaye mu 2020.

Ni ku nshuro ya kabiri, Tour du Cameroun yegukanywe n'Umunyarwanda, uwaherukaga kubigeraho ni Uwizeyimana Bonaventure wabikoze mu 2018.





Source : https://umuryango.rw/imyidagaduro/imikino/article/mugisha-moise-yakuyemo-iminota-irenga-3-yarushwaga-yegukana-tour-du-cameroun

Post a Comment

0Comments

Post a Comment (0)