Header Ads Widget

Technology

Minisiteri ya Siporo yagaragaje amabwiriza mashya yemerera shampiyona y'u Rwanda gusubukurwa #rwanda #RwOT

Kuri uyu wa gatandatu tariki ya 8 Mutarama 2021, Minisiteri ya Siporo yashyize ahagaragara amabwiriza mashya agenga ingaga za Siporo mu Rwanda, aya mabwiriza yatangajwe akaba azamara igihe cy'ukwezi kumwe uhereye kuri uyu wa gatandandu.

Aya mabwiriza akaba yemerera imyitozo n'amarushanwa y'umupira w'amaguru gusubukurwa, ni nyuma y'itangazo ryari ryahagaritse imikino ryari ryatangajwe tariki ya 30 Ukuboza 2021.

Ku marushanwa y'umupira w'amaguru azakomeza nyuma y'inama izaterana ku wa mbere w'icyumweru gitaha izanzura igihe iyo shampiyona izasubukurirwa.

Kugeza ubu shampiyona y'u Rwanda y'ikiciro cya mbere mu bagabo yasubitswe hamaze gukinwa imikino 11 y'umwaka w'imikino wa 2021-2022, gusa amakipe amwe n'amwe arimo APR FC akaba atari yagasoje gukina imikino yose.

Nyuma y'iyo minsi 11 yari imaze gukinwa, ikipe ya Kiyovu SC ikaba iyoboye urutonde rwa shampiyona n'amanota 24 ikaba ikurikiwe na APR FC yo ifite 23 ikaba izigamye imikino 2 y'ikirarane izakina na Mukura VS ndetse na Rutsiro FC.

The post Minisiteri ya Siporo yagaragaje amabwiriza mashya yemerera shampiyona y'u Rwanda gusubukurwa appeared first on RUSHYASHYA.



Source : https://rushyashya.net/minisiteri-ya-siporo-yagaragaje-amabwiriza-mashya-yemerera-shampiyona-yu-rwanda-gusubukurwa/?utm_source=rss&utm_medium=rss&utm_campaign=minisiteri-ya-siporo-yagaragaje-amabwiriza-mashya-yemerera-shampiyona-yu-rwanda-gusubukurwa

Post a Comment

0 Comments

Nature