Tuzakingirwa , tuzakira cyangwa tuzapfa_Minisitiri w'ubuzima w'Ubudage #rwanda #RwOT

webrwanda
1

Minisitiri w'ubuzima w'Ubudage, kuri uyu wa Mbere tariki ya 22 Ugushyingo 2021, yakoresheje amagambo ya mbere akomeye avuze kugeza ubu mu kuburira ku kamaro ko kwikingiza Covid-19 , nk' uko BBC dukesha aya makuru yabitangaje.

Uyu Minisitiri w'ubuzima w' iki gihugu mu kiganiro n'abanyamakuru ku wa mbere mu murwa mukuru Berlin, Jens Spahn yagize ati: 'Mu mpera y'iki gihe cy'ubukonje bwinshi buri muntu wese mu Budage azaba yarakingiwe, yarakize cyangwa yarapfuye'.

Nk' uko amakuru abivuga Ubudage buhanganye n'inkubiri ya kane y'ubwandu bwa Covid19. Abanduye barimo kwiyongera byihuse kandi n'ibitaro byinshi byamaze kuzura.Ni kimwe mu bihugu byo mu Burayi bw'uburengerazuba bifite igipimo kiri hasi cyane cy'abamaze gukingirwa, 68% ni bo bamaze gukingirwa byuzuye mu Budage.

Ikigero cy'ubwandu mu Budage ni cyo cya mbere kiri hejuru cyane bugize kuva iki cyorezo cyatangira.

Inzobere mu buvuzi zaburiye ko iyi nkubiri ishobora kuba iya mbere mbi cyane ibayeho muri iki gihugu kugeza ubu.

Mu masaha arenga 24 ashize, handuye abashya 30,643 â€" barengaho 7,000 ku bo mu cyumweru gishize. Iki kigero cy'ubwandu ni kimwe mu biri hejuru cyane ku isi.


Minisitiri w'ubuzima Jens Spahn ntiyariye iminwa ubwo yashimangiraga akamaro ko kwikingiza Covid



Source : https://impanuro.rw/2021/11/23/tuzakingirwa-tuzakira-cyangwa-tuzapfa_minisitiri-wubuzima-wubudage/

Tags

Post a Comment

1Comments

Post a Comment