Imikino ya nyuma y'irushanwa rya Kamarampaka muri Baskteball rizwi nka 'BKBNL 2021 Playoffs' iratangira mu mpera z'iki cyumweru aho umukino wa nyuma mu bagabo ugomba guhuza Patriots BBC ba REG.
Aya makipe yombi yageze ku mukino wa nyuma, ni nyuma y'uko Patriots BBC yasezereye APR BBC na REG BBC igasezerera RP â€" IPRC Kigali muri ½.
Imikino ya nyuma izatangira ku wa Gatanu tariki ya 29 ndetse ikomeze no kuri 30, aya makipe akaba agomba gutanguranwa gutsinda imikino 2 muri 3 (best in 3).
Ku wa Gatanu tariki ya 29 Ukwakira, REG izakina na Patriots mu mukino wa mbere wa nyuma guhera ku isaha ya saa 20h, bazakina umukino wa kabiri ku wa Gatandatu tariki ya 30 Ukwakira 2021 wo uzaba saa 19h.
Hari kandi n'imikino ya nyuma mu bagore, REG WBBC izahura ku mukino wa nyuma na The Hoops Rwa, umukino wa mbere uzaba ku wa Gatanu saa 17h30', uwa kabiri uzaba ku wa Gatandatu saa 16:30'.
Uretse iyi mikino kandi hari n'imikino y'umwanya wa 3, mu bagabo APR BBC izakina na RP â€" IPRC Kigali saa 14:30' ni mu gihe mu bagore APR WBBC izahura na RP â€" IPRC Huye guhera saa 12:30, ni imikino izaba ku Cyumweru.
Amatike yo kwinjira kuri iyi mikino akaba yagabanyijweho 20% ku muntu uri bugure itike uyu munsi ku wa 27 Ukwakira 2021.
Itike y'ibihumbi 10 irimo kugura ibihumbi 8, iya 7 irimo kugura 5500 ni mu gihe iya 5 irimo kugura 4. Aha kandi hakaba harimo n'igiciro cyo kwipimisha COVID-19.
🚨Offer ending today🚨
20% discount on tickets to watch the #BKBNL2021PLAYOFFS Final games is ending today.
Make sure you get your ticket before you miss out this chance.@kigaliarenarw @BankofKigali#TSMGORWANDA pic.twitter.com/gKfMMokMUM
â€" FERWABA 🏀🇷🇼 (@ferwabaRW) October 27, 2021
