Umwirondoro w'uyu musore nturamenyekana, gusa izina rye rimwe ryamenyekanye, akaba ari Mutabazi. Amakuru INYARWANDA yamenye ni uko uyu musore yabanje guhamagara nyirasenge amubwira ko ari mu Ubumwe Grande Hotel, ko agiye kwiyahura kuko ubuzima bwamunaniye. Nyirasenge yahise atega moto ngo aze amufate, ageze mu mujyi asanga inyubako yamubwiye si yo arimo ahubwo ari mu nyubako ya La Bonne adresse ari nayo yiyahuriyemo.
Mu gusimbuka aturutse mu igorofa ya kabiri, uyu musore yaguye hejuru y'imodoka avunika amaboko n'amaguru, ndetse bigaragara ko yaviriye imbere kuko yaciraga amaraso, icyakora ntiyapfuye. Yahise ajyanwa kwa muganga ako kanya. Ntiharamenyekana impamvu nyamukuru yatumye uyu musore yiyahura, gusa nk'uko yabibwiye nyirasenge ngo ubuzima bwari bumunaniye. Kwiyahura k'uyu musore byababaje benshi cyane cyane abo mu muryango we.
Abantu benshi bababajwe n'inkuru y'uwagerageje kwiyahurira La Bonne adresse
