kuri iki Cyumweru tariki ya 2 Gicurasi 2021, mbere yo gucakirana na Gorilla FC mu mukino wa mbere mu itsinda rya mbere (A), APR FC yabanje guhabwa igikombe cya shampiyona 2019-2020, igikombe yatwaye idatsinzwe muri shampiyona yasorejwe ku munsi wa 23 kubera COVID-19.
Nyuma y'inama zagiye zihuza abanyamuryango ba FERWAFA mu bihe bitandukanye, iri shyirahamwe ryanzuye ko ikipe ya APR FC yari iya mbere ku rutonde rw'agateganyo rwa shampiyona ihabwa igikombe cy'umwaka w'imikino 2019-2020 bitewe n'uko yari iyoboye n'amanota 57 mu mikino 23.
APR FC yahawe igikombe cya shampiyona 2019-2020 nyuma y'uko bafashe umwanzuro w'uko bareba urutonde uko ruhagaze bityo bakanafata umunsi wa 24 bakawukuraho kuko itawukinnye.
Abakinnyi n'abatoza ba APR FC bishimira igikombe bashyikirijwe kuri iki Cyumweru tariki ya 2 Gicurasi 2021
APR FC yahise igira ibikombe 17 bya shampiyona kuva mu 1995 ubwo yatwaraga igikombe cya mbere cya shampiyona (1995, 1996, 1999, 2000, 2001, 2003, 2005, 2006, 2007, 2009, 2010, 2011, 2012, 2014, 2015, 2016, 2018, 2020).
Source : https://impanuro.rw/2021/05/02/amafoto-apr-fc-yahawe-igikombe-cya-shampiyona-2019-2020/
