Kuri uyu wa 3 tariki ya 10 Gashyantare 2021, mu karere ka Gasabo abajyanama b'ubuzima batangiye guhabwa ibikoresho byitwa Oxymeter. Ni ibikoresho bigiye kujya byifashishwa mu gupima ikigero cy'umwuka wo mu maraso ku barwaye Covid-19.
Oxymeter yifashishwa mu gupima umwuka uri mu maraso y'urwaye Covid-19 (ifoto ya Assumpta Kaboyi; ijwi rya Amerika)
Nkuko ikinyamakuru 'ijwi rya Amerika' cyabitangaje, Leta y' u Rwanda yatangiye gutanga ibikoresho ku banyabuzima, byo kubafasha gukurikirana abarwayi ba Covid-19. Ibi bikoresho byitwa Oxymeter, bizafasha abanyabuzima kumenya urugero rw'umwuka uri mu maraso y'umurwayi wa Covid-19, ku buryo bizajya birinda umurwayi kurembera mu rugo.
Abakurikiranira hafi abarwayi b'iki cyorezo, Barimo NKESHIMANA Menelas ushinzwe imivurire ya Covid-19 mu Rwanda, bavuga ko igituma umurwayi wa Covid-19 yitaba Imana, ari ukubura umwuka ku rugero rwo hejuru.
Abajyanama bo mu tugari 73 two mu karere ka Gasabo nibo bahereweho bahabwa utu dukoresho twa Oxymeter. Minisiteri y'ubuzima ikavuga ko ibi bikoresho aba banyabuzima bahawe hamwe n'ibindi bari basanganywe, bigiye kubafasha gukurikirana neza abarwariye mu ngo zabo. Aba bajyanama b'ubuzima kandi basobanuriwe uko utwo dukoresho dukoreshwa, aho bazajya bashyira ako gakoresho ku rutoki hanyuma kakamugaragariza ikigero cy'ubushyuhe amaraso y'umurwayi afite.
Abahanga basobanura ko umuntu muzima aba afite ubushyuhe bwa 95%, bakavuga ko iyo Oymeter igaragaje ko umuntu ari munsi ya 85% by'ubushyuhe, aba arembye cyane kuburyo aba agomba kwihutanwa kwa muganga. Oxymeter imwe igura amafaranga hagati y'ibihumbi 40,000 na 45,000.
Inkuru yanditswe na NDAYAMBAJE Felix
Â
