DRC : Guverinoma yatangaje ko FDLR ari yo yishe Ambasaderi w'u Butaliyani #rwanda #RwOT

Bikubiye mu itangazo ryasohowe n'iyi Minisiteri nyuma y'urupfu rwa Ambasaderi Luca Attanasio wishwe arashwe kuri uyu wa Mbere tariki 22 Gashyantare 2021 ubwo yarasiwe hafi y'i Goma bikaza kumuviramo gupfa we n'abandi bantu babiri.

Iri tangazo ritunga agatoki umutwe wa FDLR w'abarwanyi b'Abanyarwanda ufite ibirindiro mu mashyamba yo muri kiriya gihugu ko ari bo bagabye kiriya gitero ku modoka z'ishami ry'Umuryango w'Abibumbye ryita ku biribwa (PAM).

Iri tangazo ryagarutse ku rupfu rwa Ambasaderi Luca Attanasio, rivuga ko akimara kuraswa mu nda yahise ajyanwa mu bitaro by'i Goma akaza gushiramo umwuka.

Rivuga kandi ko kariya gace gasanzwe ari indiri y'imitwe yitwaje intwaro y'abarwanyi baturutse mu bindi bihugu nka FDLR ugizwe n'abanyarwanda barimo n'abasize bakoze Jenoside yakorewe Abatutsi.

Mu gihe kimwe n'icyabereyeho kiriya gitero, ngo hahise hanashimutwa abanatu bane ariko baje kugaruzwa n'igisirikare cya DRC.

Guverinoma y'u Butaliyani na yo yasohoye itangazo rishinja DRC kutabungabunga umutekano by'umwihariko ikaba ishinja Perezida wa kiriya gihugu, Felix Tshisekedi.

UKWEZI.RW



Source : http://www.ukwezi.rw/Mu-mahanga/Umutekano/article/DRC-Guverinoma-yatangaje-ko-FDLR-ari-yo-yishe-Ambasaderi-w-u-Butaliyani

Post a comment

0 Comments