Uyu munsi Amavubi y'u Rwanda arakina umukino wa kabiri w'itsinda C muri CHAN 2020 na Maroc aho umutoza Mashami ashobora gukora impinduka muri 11 babanjemo ku mukino wa Uganda.
Kuva tariki ya 16 Mutarama kugeza tariki ya 7 Gashyantare 2021 muri Cameroun harimo kubera Shampiyona y'Afurika y'abakinnyi bakina imbere mu bihugu byabo (CHAN).
U Rwanda rwitabiriye iyi shampiyona ruri mu itsinda C na Togo, Uganda na Maroc. Umukino wa mbere Amavubi yanganyije na Uganda 0-0.
Uyu munsi saa 18h u Rwanda ruzakina na Maroc umukino wa kabiri wo mu itsinda C.
Maroc niyo iyoboye itsinda n'amanota 3, Amavubi na Uganda zifite 1 mu gihe Togo ifite 0.
Ku ruhande rw'u Rwanda rugiye gukina uyu mukino abakinnyi bose bameze neza uretse Nsabimana Eric Zidane wagiriye ikibazo ku mukino wa Uganda.
Abakinnyi bose nyuma y'ibipimo byafashwe bugaragaje ko nta n'umwe ufite ikibazo cya Coronavirus, abakinnyi n'umutoza bakaba biteguye neza aho intero ari ugutsinda mukino.
Amakuru mabi ku ruhande rwa Maroc, akaba meza ku Mavubi ni uko Maroc ifite abakinnyi banduye icyorezo cya Coronavirus, gusa iyi kipe yabagize ibanga yirinda ku batangaza.
Ku bakinnyi bashobora kubanza mu kibuga ku ruhande rw'u Rwanda, Mashami ashobora gukora impinduka imwe muri 11 babanjemo ku mukino wa Uganda aho Iradukunda Jean Bertrand ashobora kuvamo agaha umwanya Sugira Ernest.
11 b'Amavubi bashobora kubanzamo
Umunyezamu: Kwizera Olivier
Ba myugariro: Omborenga Fitina, Imanishimwe Emmanuel Mangwende, Manzi Thierry na Mutsinzi Ange Jimmy
Abakina hagati: Niyonzima Olivier Seif na Kalisa Rashid
Ba rutahizamu: Hakizimana Muhadjiri, Jacques Tuyisenge na Sugira Ernest
