Harabura amasaha abarirwa ku ntoki, perezida Donald Trump agatanga ububasha kuri Joe Biden wamutsinze mu matora aheruka. Mbere yuko Donald Trump asohoka muri White House ariyo ngoro y'umukuru w'igihugu cya leta zunze ubumwe za Amerika, yahaye imbabazi imfungwa 143 harimo n'umujyanama mukuru we wamenyekanye ku mazina ya Steve Bannon. Mu barekuwe harimo abanyemari bakomeye bo muri leta zunze ubumwe za Amerika, abaraperi, harimo n'umuraperi Lil Wayne, ndetse n'abandi.
Donald Trump yahaye imbabazi imfungwa 143
Nkuko tubikesha ikinyamakuru The Guardian, Donald Trump yahaye imbabazi aba bantu basaga 143 harimo n'abakoze ibikorwa biremereye harimo ibya ruswa, ibikorwa by'ubwiyahuzi ndetse n'abafashwe bakekwaho gukorana n'imitwe y'iterabwoba hagambiriwe kugambanira ubutegetsi bwa leta zunze ubumwe za Amerika. Iki ni igikorwa cy'intangarugero Donald Trump yakoze mbere yuko arekura ku buryo bweruye ubutegetsi bwa leta zunze ubumwe za Amerika. Kuri uyu munsi tariki ya 20 Mutarama 2021 nibwo hateganyijwe umuhango wo kurahira wa Joe Biden, perezida mushya wa leta zunze ubumwe za Amerika watowe. Ni umuhango uri buze kubera muri White House ariyo ngoro y'umukuru w'igihugu wa leta zunze ubumwe za Amerika.
Sangiza abandi iyi nkuru:
Source : https://yegob.rw/mbere-yuko-asohoka-muri-white-house-donald-trump-yakoze-igikorwa-cyintangarugero/
