Iki gitaramo giteganyijwe ku wa 1 Mutarama 2021, cyatumiwemo abarimo Masamba, Cecile Kayirebwa na Makanyaga Abdul kizabera kuri Televiziyo Rwanda ndetse no ku rukuta rwa YouTube rwa East African Promoters.
Bwa mbere iki gitaramo kizaba hatari abafana bitewe n'ingamba zo kwirinda ikwirakwira ry'icyorezo cya Covid-19, ari nayo mpamvu kizatambuka kuri Televiziyo y'u Rwanda.
Ibitaramo ngarukamwaka bya East African Party bibera mu Rwanda kuva mu 2009, aho abanyarwanda basusurutswa n'abahanzi baba bagezweho haba mu gihugu cyabo ndetse n'abanyamahanga batandukanye.
