Ubuyobozi bw' ikipe ya Rayon sport bwatangaje ko bwamaze gusinyisha umunya Côte d'Ivoire witwa Jean Vital Ourega amasezerano y'umwaka umwe Ku ntizanyo avuye muri TP Mazembe yo muri Repubulika iharanira demokarasi ya Congo.
Ku gicamunsi cyo kuri uyu wa gatanu Tariki 06 ugushyingo 2020, nibwo inkuru yabaye kimomo ko Rayon Sport yamaze gusinyisha umunya Côte d'Ivoire ukina hagati mu kibuga Jean Vital Ourega imukuye muri TP Mazembe ku ntizanyo y' umwaka umwe.
Ni nyuma yuko Rayon Sport ikoze amatora maze igashyiraho ubuyobozi buyiyobora mu gihe cy' imyaka itatu, Ubu buyobozi buyobowe na Jean Fidèle Uwayezu Perezida w' iyi kipe. Akimara kujyaho mu byo yavuze ko agiye guheraho harimo no gusinyisha abakinnyi bashya mu rwego rwo kwitegura shampiyona y'u Rwanda izatangira Tariki 04 ukuboza uyu mwaka.
Jean Vital Ourega w' imyaka 24 afite 1.92 cm z' uburebure akaba akina hagati mu kibuga, aho yarasanzwe akinira ikipe ya TP Mazembe yo muri Congo. Iyi kipe yayigezemo mu mwaka wa 2019 bivuzeko yarayimazemo umwaka umwe. Amasezerano y'uyu musore muri Rayon Sport azarangira Tariki 30 kamena 2021.
The post Rayon sport yasinyishije Umunya Côte d'Ivoire ubica bigacika ku ntizanyo appeared first on Kigalinews24.
