Abakinnyi 11 b'ikipe y'Amagaju FC yiteguraga imikino ya Kamarampaka ishaka kuzamuka mu cyiciro cya mbere, banduye icyorezo cya Coronavirus.
Aba bakinnyi bari mu mubare w'abantu 18 baraye banduye mu gihugu hose.
Muri aba bantu baraye banduye 12 ni aho mu karere ka Nyamagabe harimo abakinnyi 11 b'Amagaju FC.
Aba bakinnyi bakaba banduye mu gihe tariki ya 13 Ugusnyingo 2020 bagomba gutangira imikino ya kamarampaka y'icyiciro cya 2 irimo ihatanira kuzamuka mu cyiciro cya mbere umwaka w'imikino 2020-2021.
Aba bakinnyi bakaba bahise bashyirwa mu kato, ubuyobozi bw'iyi kipe bukaba bwatangaje ko abakinnyi bose uko ari 11 nta n'umwe urembye.
Muri aba bakinnyi banduye uko ari 11, bane nibo bakina mu ikipe nkuru abandi ni abo mu bari baraje gufasha abandi imyitozo.
Iyi kipe ikaba igiye gushaka uburyo aba bakinnyi barwaye babasimbuza bagakomeza kwitegura imikino ya kamarampaka nk'uko bisanzwe.
Source : http://isimbi.rw/siporo/article/abakinnyi-11-b-ikipe-yo-mu-rwanda-banduye-coronavirus
