Ku wa Gatanu tariki 23 Ukwakira 2020, Urwego rw'Igihugu rw'Ubugenzacyaha (RIB) , rwatangaje ko rwafashe abagabo 10 bo mu karere ka Rusizi mu Burengerazuba bw'u Rwanda, bakurikiranweho icyaha cyo gusambanya no gutera inda abangavu.
RIB ivuga ko batawe muri yombi bafashwe ku bufatanye n'izindi nzego zitandukanye, bakaba bafungiye kuri Sitasiyo yayo iri mu murenge wa Muganza. Yagize iti:
'Uyu munsi RIB ifatanyije n'izindi nzego mu Karere ka Rusizi yafashe abagabo 10 bakekwaho gusambanya abangavu bakabatera inda. Abafashwe ubu bafungiye kuri sitasiyo ya RIB ya Muganza mu gihe iperereza rikomeje kugirango hakorwe amadosiye ashyikirizwa Ubushinjacyaha.'
