Urukiko rw'Ibanze rwa Kicukiro, kuri uyu wa Gatanu tariki ya 23 Ukwakira 2020 rwemeje ubusabe bw'Ubushinjacyaha bwo kongera igihe cy'iminsi 30 y'ifungwa ry'agateganyo rya Paul Rusesabagina.
Umwanzuro wo gukomeza gufunga Rusesabagina wafashwe gusa uregwa ntiyari mu cyumba cy'iburanisha kuko yari muri Gereza ya Nyarugenge mu gihe Ubushinjacyaha bwari ku ikoranabuhanga rya Skype.
Ubwo aheruka kwitaba uruki ku wa 20 Ukwakira, Ubushinjacyaha bwasabye kongererwa iminsi y'ifungwa ry'agateganyo aho buvuga ko bugikusanya ibimenyetso bizifashishwa mu rubanza bitabonekeye igiye.
Hagati mu kwezi gushize nibwo urukiko rwategetse ko afungwa by'agateganyo iminsi 30, mu ntangiriro z'uku kwezi ubujurire bwe busaba kurekurwa bwanzwe n'urukiko rwisumbuye.
Bwana Paul Rusesabagina uregwa ibyaha 13 bifitanye isano no guhungabanya umutekano w'u Rwanda binyuze mu mutwe w'ingabo wa FLN ushamikiye ku mpuzamashyaka MRCD yari abereye umuyobozi.
Itegeko ryerekeye imiburanishirize y'imanza z'inshinjabyaha riteganya ko iyo iminsi 30 yasabwe n'Ubushinjacyaha irangiye bukiri mu iperereza, busubiza imbere y'urukiko uregwa bugasaba ko yongererwa iminsi yo gufungwa by'agateganyo.
Source : https://impanuro.rw/2020/10/23/rusesabagina-yongerewe-indi-minsi-30-yifungwa-ryagateganyo/
