Kuri uyu wa gatandatu tariki 10 Ukwakira 2020, ikipe ya Kiyovu Sport byari byaravuzweko yamaze kugura abakinnyi bitunguranye yamaze gusinyisha rutahizamu uvuye mu Burundi witwa Issa Ngenzi ukina ku mpande asatira izamu, ku masezerano y'imyaka itatu.
Issa Ngezi ni rutahizamu unyura cyane mu mpande abo dukunda kwita base mababa, kuko anyura kuri 7 na 11, akaba yarasanzwe ari umukinnyi wa B.S Dynamik ubu iri gutozwa na Mugunga Dieudonne (Burucaga) watoje Kiyovu Sport mu ntangiriro z'imikino 2019-2020 akaza kwirukanwa kubera umusaruro mucye.
Issa Ngezi ubwo yasinyaga ari kumwe na Perezida wa Kiyovu Sport Mvukiyehe Juvenal
Muri Kiyovu Sports Ngenzi yiyongereye ku bandi bakinnyi batandatu iyi kipe yaherukaga kugura barimo umunyezamu Kimenyi Yves wavuye muri Rayon Sports na rutahizamu Babuwa Samson wavuye muri Sunrise FC.
Hari kandi myugariro w'ibumoso Irambona Eric wavuye muri Rayon Sports, Ngendahimana Eric ukina imbere ya ba myugariro, wavuye muri Police FC, Ngandu Omar ukina mu mutima wa ba myugariro na Bigirimana Abeddy ukina hagati, bombi bavuye mu Burundi.
Ikipe ya Kiyovu Sports , ifite intego zo kwegukana igikombe cya Shampiyona iheruka mu myaka 27 ishize.
Source : https://impanuro.rw/2020/10/11/ikipe-ya-kiyovu-sport-yamaze-kubona-rutahizamu-ukomeye/
