Impinduka kuri ku ngengabihe ya shampiyona y'icyiciro cya mbere mu Rwanda n'andi marushanwa ategurwa na FERWAFA #rwanda #RwOT

webrwanda
0

Ishyirahmwe ry'umupira w'amaguru mu Rwanda 'FERWAFA', ryamaze kwandikira amakipe riyamenyesha ko habayeho impinduka kuri gahunda y'itangira ry'imikino mu Rwanda umwaka w'imikino wa 2020-2021.

Mi ibaruwa yandikiwe abayobozi b'amakipe mu cyiciro cya mbere n'icya kabiri ibyiciro byombi(abagabo n'abagore) yo kuri uyu wa Gatanu tariki ya 11 Nzeri 2020, bamenyeshejwe ko habayeho impinduka kuri gahunda bari bahawe mbere.

Babamenyesheje ko itangira ry'umupira w'amaguru umwaka w'imikino 2020-2021 mu Rwanda rihindutse kandi gahunda ijyanye n'itangira bazayimenyeshwa mu gihe cya vuba.

Gusa ngo iyi gahunda ntikuraho igura n'igurisha ry'abakinnyi mu cyiciro cya mbere n'icya kabiri mu bagabo nk'uko babibemenyeshejwe.

Uko gahunda yari iteye

Mu ntangiriro za Kanama 2020 ni bwo ishyirahamwe ry'umupira w'amaguru mu Rwanda, FERWAFA ryatanaje igihe shampiyona y'icyiciro cya mbere umwaka w'imikino wa 2020-2021 uzatangirira, aho byari biteganyijwe ko izatangira tariki ya 30 Ukwakira 2020.

Ni imyanzuro yafatiwe mu nama ya komite nyobozi ya FERWAFA yabaye ku wa 31 Nyakanga 2020 aho yemeje ingabihe y'umwaka w'imikino wa 2020-2021.

Byari biteganyijwe ko ibikorwa by'imikino bizasubukurwa hakinwa imikino y'umwaka w'imikino wa 2019-2020 yasubitswe nko mu cyiciro cya kabiri mu bagabo hazakinwa imikino ya kamarampaka(play offs) hashakwa amakipe azazamuka mu cyiciro cya mbere.

Iyi mikino yari kuzakinwa kuva tariki ya 2-17 Ukwakira 2020, hazakinwa umukino umwe nta wo kwishyura, mu bagore icyiciro cya mbere n'icya 2 bizakina kuva tariki ya 3 Ukwakira kugeza 20 Ukuboza 2020.

Icyiciro cya mbere mu bagabo byari biteganyijwe ko umwaka w'imikino wa 2020-2021 uzatangira tariki ya 30 Ukwakira 2020 usozwe tariki ya 20 Gicurasi 2021.

Icyiciro cya 2 mu bagabo umwaka w'imikino 2020-2021 wari kuzatangira tariki ya 31 Ukwakira 2020 usozwe ku wa 29 Gicurasi 2021.

Byari biteganyijwe ko igikombe cy'Intwari kizatangira tariki ya 19 Mutarama gisozwe ku ya 1 Gashyantare 2021.

Igikombe cy'Amahoro cya 2021 cyari kuzatangira muri Weekend ya tariki ya 4-5 Gashyantare 2021 gisozwe ku wa 5 Kamena 2021.

Shampiyona y'abagore mu cyiciro cya mbere yari iteganyijwe ko izatangira tariki ya 19 Gashyantare 2021 isozwe ku wa 31 Nyakanga 2021 mu gihe icyiciro cya kabiri izatangira ku wa 20 Gashyntare 2021 isozwe ku wa 24 Nyakanga 2021

Kwandikisha abakinnyi ku makipe yo mu cyiciro cya mbere mu bagabo bizatangira tariki ya 16 Kanama bisozwe tariki ya 24 Ukwakira 2020. Mu cyiciro cya kabiri mu bagabo bizatangira ku wa 18 Mutarama â€" 5 Gashyantare 2021.

Mu cyiciro cy'abagore ni uguhera ku wa 1 Ukuboza 2020 kugeza 28 Mutarama 2021.

Igaruka rya shampiyona ryasubitswe

Post a Comment

0Comments

Post a Comment (0)