Igitego Kagere Meddie yaraye atsinze bakacyanga ntikivugwaho rumwe(VIDEO) #rwanda #RwOT

Rutahizamu w'umunyarwanda ukinira ikipe ya Simba SC muri Tanzania, Meddie Kagere ntiyahiriwe n'intangiriro za shampiyona y'iki gihugu, ni nyuma yo gutsinda igitego abasifuzi bakacyanga, gusa bigaragara ko cyari igitego nta kurarira kwabayeho nk'uko byavuzwe.

Ku munsi w'ejo ku Cyumweru tariki ya 6 Nzeri 2020, shampiyona ya Tanzania umwaka w'imikino 2020-2021 yaratangiye, Simba SC ya Meddie Kagere yari yasuye Ihefu FC izamutse mu cyiciro cya 2.

Ni umukino Simba SC yatsinze 2-1, ibitego bya Simba SC byatsinzwe na John Bocco na Mzamiru Yassin, mu gihe icya Ihefu FC cyatsinzwe na Omary Mpunda.

Meddie Kagere yinjiye mu kibuga simbuye, akaba yaraje kubona amahirwe ku munota wa 73 ku mupira wari uhinduwe na Ibrahim Ajibu Migomba, maze uyu rutahizamu arirambura ashyiraho umutwe umupira uboneza mu rushundura.

Meddie yatsinze igitego baracyanga

Gusa iki gitego cyaje kwangwa n'umusifuzi wo ku ruhande avuga ko Meddie Kagere yari yaraririye.

Nk'uko byagiye bigarukwaho n'abasesenguze banifashishije amashusho ya Azam TV yerekanye uyu mukino, ni uko umusifuzi yibeshye agafata icyemezo ahubutse kuko igitego Meddie yatsinze cyari cyo nta kurarira kwigeze kubaho nk'uko amashusho abyerekana.

View this post on Instagram

OFF-SIDE Medie Kagere naye akakutana na rungu la off-side licha ya kushangilia akijua ameanza kazi ya kutetea kiatu chake. Je, unasemaje kuhusu hii? Sikia pia maoni ya wachambuzi. FT': Ihefu 1-2 Simba. #VodacomPremierLeague #LigiKuuTanzaniaBara #VPL #VPLUpdates #Ihefu #SimbaSC #IhefuSimba

A post shared by Azam Sports (@azamsports2) on Sep 6, 2020 at 8:44am PDT

source http://isimbi.rw/siporo/article/igitego-kagere-meddie-yaraye-atsinze-bakacyanga-ntikivugwaho-rumwe-video